Adriana Rezzele: Poesia in ricordo di Aulo
*
Aulo
Sta olta la pretendo ‘na poesia…
Son ‘na a l’inaugurassion del campo giochi dedicá a l’Aulo.
E par scrivarte m’è tocá scapar ‘ia.
Vedar, fin che i parlava l’Amina, el Luca, l’Antonia, l’Aldo, el Marco, el Vito…
Tuti un po’ comossi….
No’ so forsi anca pensar a quel’Istria che par tanti versi la ne acomuna….
Me parte di sgrisoloni in la schena.
Che minestron de emossioni.
Me ricordo, lesendo le me ultime poesie te m’è dito:
Iè limpide, Adriana…
Con quel soriso chieto che l’era dal bon limpido, sincero
e me ven da dir “legero”.
Sí, pensarte me ricorda quel passo del Vangelo che dise:
“Non preoccupatevi di ciò che mangerete, di ciò che vestirete…. Guardate gli uccelli del cielo e i gigli del campo….”.
Ecco mi te vedo cossita.
Fede e speransa la ga dito l’Amina. E alora nemo avanti co’ sta forsa qua.
E grassie par tuto quel che te si sta.
Category: Aulo Crisma e la rivista "inchiesta"
